الأربعاء 23 ذو الحجة 1441 هـ الموافق 12 آب 2020 م

مختارات من قصائد سيد حجاب

تاريخ الإضافة الخميس 26 كانون الثاني 2017 1:33 م    عدد الزيارات 10379    التعليقات 0

      

 

وسلو قلبي

 

سلو قلبى وقولولى الجـوابا ... لماذا حالنا أضحى هبـــــابـــــــا

لقد زاد الفساد وزاد فـــيــنا ... فلن ينفع بوليــــــــــــس أو نيابا

وكنا خير خلق الله فصـرنا ... فى ديل القايمة وفى غاية الخيابة

وشاع الجهل حتى أن بعـــ ... ضا من العلماء لم يفتح كتـابــــا

قفلنا الباب أحبطنا الشبـابا ... فأدمن أو تطــرف أو تغابــــــى

أرى أحلامنا طارت سرابا ... أرى جناتنــا أضـحـت خـرابـــا

وصرنا نعبد الدولار حتى ... نقول له أنت مامــا وأنــت بابــا

وميلياراتنا هربت سويسرا ... ونشحتُ من الخواجات الديابة

ونهري مصر حُبا بالأغانى... فتملؤنا أغانينا أغـــتــرابــــــا

وسيما الهلس تشبعنا عذابـا... وتشبعنا جرائدنا اكتئــــــــابــــا

زمان: يطحن الناس الغلابة ... ويحيى اللص محترما مهابـــا

فكن لصا إذا أو عش حمارا ... وكلّ مشّا إذاً أو كل كبابــــــا

ودسّ على النـــــــاس أو تنداس ... حتى تصير لنعل جزمتهم ترابــــــا

أمير الشعر : عفوا واعتذارا... لشعرك فيه أجريت انقــلابـــا

وما نيل المطالب بالطيابـــا... دى مش دنيا يا شوقى دى غابة

 

=====

 

السلم والكرسي 

 

كل سلم آخره كرسي

كل كرسي وله سلالم

إنجليزي ده يا مرسي؟

لأ ده علم وله معالم

التسلق والوصول

علم شغال له أصول

إن جهلته تعيش جهول

وإن حفظته وكنت غول

وابن عالمة ح تبقي عالم

وهس ياد ... يا بت هسي

ده كل سلم آخره كرسي

****

في القانون الانتهازي

للوصول البرجوازي

مادة أولي : بيع ضميرك

ودن طين وعين إزازي

مادة ثانية : اربط مصيرك

باللي فوق برباط فولاذي

مادة ثالثة : دوس في سيرك

ع اللي تحتيك وابقي نازي

والمهم أوزن ووازي

فين تنخ وفين ترازي

تئذي مين ومين تجازي

وإمتى تبقي ذليل مسالم

وهس ياد ... يا بت هسي 

ده كل سلم آخره كرسي

****

النظام ... لو كان يساري

كون يساري إراري قاري

وامشي ع الخط اللينيني

واخنق السوق التجاري

ينقلب نظام يميني

تبقي ليبرالي وإداري

وافترض بقي حكم ديني

ابقي ارهابي انتحاري

واجلد اللي لابسه عاري

وأقني في السر الجواري

زي جدك الانكشاري

اللي كان مهووس وظالم

وهس ياد .... يا بت هسي

ده كل سلم آخره كرسي

 

=====

 


التعليقات (0)

 » لا يوجد تعليقات.

أضف تعليق

الأسم: * البريد الإلكتروني:
تعليق: *
رمز الحماية: *  تحديث الصورة

* الخانات الضرورية.

   

 

   

        

  

 

  

 

 

 

 

 

 

 

 

  

      

  

      

 

     

      

 

 

 

 

  

  

    

    

   

        

        

               

     

    

         

   

           

 «  آب 2020  » 
MoTuWeThFrSaSu
 12
3456789
10111213141516
17181920212223
24252627282930
31 
إلى الأعلى

Designed and Developed by

Xenotic Web Development