الخميس 7 صفر 1442 هـ الموافق 24 أيلول 2020 م

مختارات من قصائد أسعد السبعلي

تاريخ الإضافة الخميس 15 أيار 2014 8:42 م    عدد الزيارات 785    التعليقات 0

      


هالسنديانه!



هالســــنديانه الفارشـــي الفـيـــــات
القَـــدم صَلاتو بعبّهــا العصفـــور ..
يا مـا تحـت منهــا انحكـي حكايــات
عن طير طار ، وعن قفص مهجور!

بغصونها .. يا مــا صبايــا تمرجحـو
وشــهقت قلـــوب ورقصــت تنـــانير
وغنّـــى الهــوى لشــالات وكشــامير.
ولعيـون سـود بيجرحو.وما بيجرحو..

حــــد منهــــا ديــــر رح يخــــرب
ت تصلحــوّ ، وبـــن الشباب تعود !؟
هالســــــندياني قولــــــك بتتعــــب ؟
بتقلّهـــن منّـــي خــــدو عـــامود …

مـــا ختــتـيرت وجدايـــلا بتلــــوح
وبيضــــل قلبـــا للهــــوا مفتـــــوح
بتقّطـــع تذاكــــر ســـــفر للنــــاس
فـــواج بتجـي وفــواج عميتروح…

====

صورة


الشــمس الغرقــاني بـــالنور
ع ضيعتنــــا منشـــــــــــورا
وعصفــوره تلقـــم عصفور
تــاملّك شـــو هـــالصورا !

ونملــــه جــــــايي غدويـي
تتمــــــــوَّن للشـــــــــتويي
البطالــــه مــــا بتنفعهــا…
اخــــدت ع بيتـــــا معهــــا
قمحــه ، بتمّـــا مجروره…

وبكّـــــر عا لحقلـــه فـــلاّح …
بزنـــدو المعــول مــا بيرتـــاح
خلّــــى عيـــن الشـــمس تغــار
تـــا توعـــى قبلو شـــي نهـــار
قديــــش منـــــو مقهــــوره…

وراعي لاطـــي تحــت الشــــير
الشــــلعه مسّــرحها .. بكـــير!
وللصبـــح تــــــودي غنــــاني
هــــــالمنجيره الســــــــكراني
المسموعه ومــش منظــورا…

=====

سألوني الوديان


عنك سألوني الوديان
اشتقنا لهالغايب وينو؟
قلتلن حامل لبنان
عالغربه بقلبو وعينو!..
السندياني الحدّ البيت
تذكّرها.. محلا التذكار
كيف رقصت لمّن طلّيت
من الغربه أول مشوار..
والسواقي عم بتعنّ
وعمبتدويلم نغمات
بقلب العليقه، بو الحن
صفّا وحدو، طق ومات!..
كان بالماضي مش هلّق
المرفع بالضيعه معروف
ما في دبيحه تتعلق
لا عرس، ولا زقف كفوف..
وفي بالساحه دكاني
صاحبها اسمو لحود
ما عاد يعبّي قناني
ولا أيام البسط تعود

*

مبارح قلّي بو طنوس
بدمعة عين، بوج عبوس:
انجتنا كبسي عالضيعه
ما في من يضرب دبوس!
ما في غير ختياريي
عم تمشي عالعكازات
ومن عينين مسيحيه
تشّو خيطان الصوفات
بيمرق بيّاع البوبلين
ما حدا بياخد منّو
راحو شبيبات الحلوين
مين بدّو يسأل عنّو؟
صفّا رزق الضيعه.. بور
سايب.. والبيدر مهجور..
لا في ختم ولا مختار
ولا شرطيه ولا ناطور!
يا جرصتنا من المطران
ومن الصوره والقوني
ما عدنا نلاقي انسان
يخدملو بالكرشوني

====


التعليقات (0)

 » لا يوجد تعليقات.

أضف تعليق

الأسم: * البريد الإلكتروني:
تعليق: *
رمز الحماية: *  تحديث الصورة

* الخانات الضرورية.

   

 

   

        

  

 

  

 

 

 

 

 

 

 

 

  

      

  

      

 

     

      

 

 

 

 

  

  

    

    

   

        

        

               

     

    

         

   

           

 «  أيلول 2020  » 
MoTuWeThFrSaSu
 123456
78910111213
14151617181920
21222324252627
282930 
إلى الأعلى

Designed and Developed by

Xenotic Web Development